Navendan Ragihandin û Çapmeniyê ya  HPG’ê da zanîn ku artêşa Tirk  li hemberî Herêmên Parastinê yên Medya bombebaranan pêk tîne.

HPG’ê têkildarî tevgera leşkerî ya artêşa Tirk daxuyanî da û wiha got:

“Di 11’ê Gulanê de saet di navbera 09:00 - 11:00 û 14:30 - 16:00’an de pêgerên hewayî yên bê mirov ên artêşa Tirk li ser xeta sînor a Xakurkê ya Herêmên Parastinê yên Medya xebatên keşfê kirine.

11’ê Gulanê saet di navbera  19:00 - 20:00’an de li Qereqola Oremar a girêdayê Navçeya Gever a Colemêrgê ye û di bin kontrola T.C de ye, li hemberî herêma Şehîd Gafur a di xeta sînor a herêma Avaşîn de ye, bi topan bombebaran pêk aniye.

Her wiha saet di navbera 21:00 - 23:00’an de pêgerên hewayî yên bê mirov li herêma Şûkê xebatên keşfê kirine.

11’ê Gulanê saet di navbera 22:00 - 23:00’an de  qereqolên Yekmal û Sînek yên li xeta sînor a herêma Heftanînê ya Herêmên Parastinê yên Medya, li dijî herêmên; Boxaza PKK, Tepê Zeytuna, Tepê Gome, Tepê Hestiya û Tepê Şehîd Denîz  bi tank, top û hewanan bombebaran pêk anîne.

11’ê Gulanê saet di 05.30’an de ji qereqola Bîlîcan a li xeta sînor a herêma Zapê ye, leşkeran bi wesayîtên sivîl bi armanca keşfa herêma Kaniya Biyê xebat meşandiye. Li dijî vê gerîlayan du caran guleyên hişyariyê barandine. Li ser vê leşkerên Tirk saet di 07.00’an de vekişiyane. Dîsa heman rojê saet di navbera 07.00-11.00'an de li ser heman herêmê bi pêgerên hewayî yên bê mirov xebatên keşfê hatine kirin.

11’ê Gulanê saet di navbera 19:00 - 00:00’an de  li rêya navbera gundê Boşatê û bendava Farqînê ya navçeya Farqîn a Amedê, artêşa TC kemîn danîne. Cerdevan û leşker hîna jî dora bendavê girtine.

Fermandariya HPG’ê ya Amedê berê têkildarî çêkirina vê bendavê de hişyariyên cidî kiribû. Artêşa Tirk jî rasterast di çêkirina vê de cih digire û hewl dide bendav bê çêkirin.

Saet di navbera 12:00 - 18:00’an de pêgerên hewayî yên bê mirov li ser herêma Harun a girêdayê Hênê, xebatên keşfê kirine.

11’ê Gulanê saet di 21.00 û 12’ê Gulanê (îro) saet di 06.00’an de li ser herêma Metîna pêgerên hewayî yên bê mirov xebatên keşfê pêk anîne.