Li bajarê Elmanya Frankfûrtê bi pêşengiya YXK'ê, êrîşên li Amedê hatin protestokirin.

Bi qasî 100 xwendekar îro danê êvarê saet di 21:00 de li ber Haûptbahnhof a Frankfûrtê kom bûn û bi meşekê komkujiya li Amedê protesto kirin.

Girseya gel di meşê de bê navber dirûşmên "Bijî HDP", "HDP bi tenê nîne", "AKP wê hesabê vê bide" qîriya û heta meydana Haûptwache meşiya.

Di daxuyaniya li vir de hat gotin, "Hikûmeta AKP'ê rûyê xwe yê qirêj û qetlîemkar careke din nîşan da. Em Kurdistanî û Tirkiyeyiyên li Ewropayê dijîn, divê li hemberî vê bûyerê bêdeng nemînin."

Di çalakiyê de bang hat kirin ku sibe saet di 11:00 de li ber Haûptbahnhofê her kes beşdarî meş û mîtînga protestoyî bibin.