28 ciwanên di sala 1994'an li Çiyayê Bêzar ji aliyê leşkeran van hatin qetilkirin li cihê lê hatin qetilkirin hatin bîranîn.

28 ciwanên 17'ê Gulana 1994'an li Çiyayê Bêzar ê li ser rêya navçeya Çelîkxanê ya Semsûrê ji aliyê leşkeran ve bi çekên kîmyevî hatin qetilkirin li cihê lê hatin qetilkirin hatin bîranîn. Bîranîn ji aliyê YAKAY-DER'ê ve hate organîzekirin. Parlamenterên HDP'ê Sebahat Tuncel, Mulkiye Bîrtane, Adîl Zozanî, namzetên HDP'ê yên Semsûrê Behçet Yildirim, Ayten Yilmaz, Bîrsen Tunç, MEYA-DER ên Riha û Amedê, Hevşaredarên Komur û Bulam, SEDODER, Kurdî-Der, PSKAD û bi sedan welatî tevlî bîranînê bûn. Di konê li qadê hatî vedan wêneyên gerîlayên PKK'ê yên di demên cuda de jiyana xwe ji dest dan hatin daliqandin û wêneyên ciwanên li Bêzarê jiyana xwe ji dest dan hatin danîn. Di bîranînê de dirûşmên "Şehîd namirin", "Bijî Serok Apo" û "Bê serok jiyan nabe" hatin berzkirin.

Serokê YAKAY-DER'ê yê Semsûrê Mahmut Elçî di bîranînê de axivî û wiha got: "Di serî de şehîdên Bêzarê hem hemû şehîdên Gulanê bibîr tînin. Em bejna xwe li hemberî wan ditewînin." Parlamenterê HDP'ê Adîl Zozanî jî axivî û şehîdên Bêzarê û Gulanê bîranîn.

Piştî bîranîna li Çiyayê Bêzarê komek çû Goristana Karapinarê ya 28 ciwan lê hatin definkirin. Li vir komê qurnefîl danîn ser goran.