Berxwedana grevên birçîbûnê ya bi pêşengiya Leyla Guven ku bi armanca şikandina tecrîda girankirî ya li ser Rêberê Gelê Kurd Abdullah Ocalan hatibû destpê kirin, didome.

Greva birçîbûnê ya bêdawî-bêdorveger a bi pêşengiya Hevseroka KCD û Parlamentera HDP’ê Leyla Guven a  ji bo şikandina tecrîda girankirî ya li ser Rêberê Gelê Kurd Abdullah Ocalan hatibû destpê kirin û belavî, girtîgeh, bajarê Fransa Strasboûrgê, Galler New Port, Den Haag û Dûîsboûrgê bûbû, didome.

Greva birçîbûnê ya li Strasboûrgê ku Hevserokê KCDK-E Yuksel Koç, siyasetmedarê Kurd Mûstafa Sarikaya, Rojnameger Gulistan Çiya Îke, parlamentera berê ya Riha a HDP’ê Dîlek Ocalan jî di nav de a 14 çalakgeran roja 40’an li pey xwe hişt.

Gelê Kurd û dostên wan yên li Ewropa dijîn, saziyên Ewropî, nûnerên rêxistinên civaka sivîl û parlamenter serdana çalakgerên greva birçîbûnê dikin.

Îro komeke ji Meclîsa Gel a Kurd ya ji paytexta Norweç Osloyê serdana çalakgerên grevê kir.

‘HETA BERXWEDAN NEBE, RIZGARÎ NABE’

Ji komê Şoreş Sofî çalakgerên greva birçîbûnê silav kir û got; “Em bûn şahidê coş û moralê we ya bilnd. Em bi vê biryardariya we serbilind in.” Sofî keyfxweşiya xwe ya ji bo berdana Leyla Guven anî ziman û wiha domand; “Divê hemû girtiyên siyasî yên li Tirkiyeyê werin berdan. Heta ku berxwedan nebe, rizgarî ne mumkîn e. Beriya niha dewletê birayê Rêbertî şand û hevdîtin bi Ocalan re çêbû û piştre jî Leyla Guven berda. Ev tê wateyê ku bi ber biryardariya çalakiyê dewletê gav paş ve avêt û hem jî pêngavekî ji bo şikandina çalakiyê bû.”

Di nava koma Oslo de Ayser Yuce jî diyar kir ku coş û moralê çalakgeran hêz daye wan û got; “Berxwedana niha tê kirin bêdengiya gelê Kurd şikand.”

Di nava rojê de meclîsên gel ên Zurih, Kehl, Dortmûnd, Nancy, Oslo; rêveberên CÎK, Yekîtya Êzidiya Kurdistan (YEK), Koroya Zaraokan a Saarbrûcken, rêveberên FEDA û rojnameger Faysal Dagli serdana çalakgerên greva birçîbûnê kirin.