Rêxistinên Kurdistanî yên Ewropa, pêkanînên kêfî yên polîsên Elman ên li dijî kongreya KCDK-E’yê şermezar kir.

Partî û rêxistinên Kurdistanî yên Ewropa got: “Em rêxistinên Kurdistanê li Ewropa, em astengiya keyfî ya ji bo kongreya KCDK-E ji hêla polîsên Elman ve bi tundî şermezar dikin.  Weke rêxistinen Kurdistanê, em Elmanyayê bi tundî şermezar dikin ku li ser daxwaza dewleta Tirk a Faşîst vê kiryara keyfî ya neqanûnî pêk tîne."

Di dewama daxuyaniyê de ev hate gotin:

"Kongreya 4'emîn a KCDK-E, ku hate plankirin roja Yekşemê, 11'ê Tîrmehê li bajarê Koln ê Elmanyayê were lidarxistin, ji hêla polîsê Alman ve bi keyfî hate asteng kirin, demokrasî û pîvanên hiqûqî paşguh kir.  Ti argûmanên ku têne pêşandan xwedî bingehek qanûnî nîne. Hemî komeleyên Kurd ên ku li gorî rêgeza yasayî ya ku bi qanûnên Ewropî hatî diyarkirin hatine damezrandin, kar dikin ku hewcedariyên civaka Kurdistanî yên li Ewropa bicîh bînin.  Ev civaka ku hay ji berpirsiyariya xwe ya exlaqî û polîtîk heye, bi nirxandina rastiya xwe xebatên xwe dimeşîne.

KCDK-E saziya sîwanî ya herî mezin a saziyên Kurd ên li Ewropayê ye. Ew wekî rêxistinek nehikûmatî ya ku parastina ziman, çand û mafê jiyana mirovan a hemû koçberên li dîasporayê dimînin, nemaze yên Kurdistanî çalakiyan dike. Hikûmeta Elman bi pêkanîna van biryarên dewleta Tirk li vir, pîvanên xwe yên hiqûqî binpê kiriye. Mîna dewleta Tirk, ji bo azadiya derbirînê, mafê civîn û rêxistinê serî li pratîkek neqanûnî û kêfî da. Van qedexeyên bêexlaqî û neqanûnî ji me Kurdistaniyan re xerîb xuya nakin. Heman pêkanîna antî-demokratîk a li ser şandeya aştiyê ya ku dixwest biçe Kurdistanê, îro bi heman mekanîzmaya biryara siyasî hate qedexekirin.

Em heman helwestê ji êrişên qirkirinê yên li dijî HDP li Tirkiyê dizanin û ev helwesta hikûmeta Alman ji me re ne biyanî ye. Heman êrîşên qirkirina siyasî ya ku dîktatorê faşîst Erdogan li dijî HDP û saziyên muxalefetê tê nîşandan. Divê ew jî zanibin ku ev helwesta hukûmeta Alman, ku wekî dewama dewleta Tirk a faşîst li Elmanya tevdigere, li dijî qanûnên Elman e.

Weke rêxistinên li Kurdistanê, em bang li hemû gelê xwe dikin ku KCDK-E hembêz bikin.  Em li dijî van kiryarên antî demokratîk û derqanûnî banga helwestek hevpar dikin;  Em bang li hemû sazî, rêxistin û kesayetiyên ku xwe wekî demokrat û azadîxwaz, her wiha saziyên navneteweyî didin diyarkirin, ku li dijî van êrişên li dijî KCDK-E têkoşîna hevpar bilind bikin."

Partî û saziyên Kurdistanî yên mohra xwe danîne binê daxuyaniyê:

•    YNK (Yekîtiya Niştimanî ya Kurdistanê)
•    Tevgera Goran
•    KCDK-E (Kongreya Civaka Demokratîk a Kurdistaniyên li Ewropayê)
•    TJK-E (Tevgera Jinên Kurd li Ewropayê)
•    Partiya ŞÛÎ Kurdistan, Başûr
•    Kongreya Star Şaxê Ewropayê
•    Partiya Zahmetkêşan - Başûr
•    PADÊ (Partiya Azadî û Demokrasiyê ya Êzîdiyan)
•    Tevgerê Azadî
•    PYD (Partiya Yekîtiya Demokratîk)
•    P.D.K.S  (Partiya Demokrat a Kurdî ya Sûriyeyê)
•    Partiya Çep a Kurd li Sûriyeyê
•    Tevgera Nûjen a Kurdistanî li Sûriyeyê
•    PÇDKS (Partiya Çep a Demokratîk a Kurd li Sûriyeyê) 
•    Partiya Demokrat a Kurd li Sûriyeyê ( El Partî)
•    Partiya Çep a Demokrat li Sûriyeyê
•    Partiya Rêkeftin a Kurd li Sûriyeyê
•    Partiya Çaksaziya Kurd li Sûriyeyê
•    Partiya Kesk a Kurdistanî li Sûriyeyê
•    Partiya Demokrat a Kurdistanî li Sûriyeyê
•    Partiya Komanist a Kurdistanî li Sûriyeyê
•    PÎK (Partiya Îsmalî ya Kurdistanê)
•    KKP (Partiya Komunîst a Kurdistanê)
•    Tevgera Kawa
•    PJAK (Partiya Jiyana Azad a Kurdistanê)
•    Yekîtiya Şoreşgerî ya Kurdistanê
•    KODAR  (Civaka Demokratîk û Azad a Rojhilatê Kurdistanê)
•    KJAR (Civaka Jinên Rojhilatê Kurdistanê)
•    Platforma Horam
•    Plattform Zagros
•    Plattform Yarsan
•    Yarî Kurd
•    Partiya Demokratîk ya Paşerojê ya Kurdî li Sûriyeyê
•    Tevçand (Tevgera Çand û Hunerê ya Kurd)
•    Kurdische Gemeinde Stuttgart e.V
•    FEDA (Federesyona Elewiyan a Kurdistanê)
•    NAV–YEK (Federasyona Komeleyên Êzidiyan)
•    Kurdische Zentrum Berlin
•    CÎK ( Civaka Îslamî ya Kurdistanê)
•    Enstituta Kurdî – Elmanya
•    Enstituta Kurdî – Bruksel
•    MŞD (Meclîsa Şengalê ya li Derveyî Welat)
•    YMK (Yekîtiya Mamostayên Kurdistanê)
•    YES (Yekîtiya Êzidiyên Sûriyeyê)
•    Kurdisch Gemeinde Brandenburg - Berlîn   
•    Dachverband der Êzidischen Frauenräte
•    DKF (Deutsch-kurdisches Forum) e.V  Dresden
•    Kongreya Gel a Mezopotamyayê
•    Partiya Azadiyê ya Mezopotamyayê
•    Kurdistan human rights Association