Partî û rêxistinên Kurd ên li Ewropayê daxuyaniyeke hevpar û nivîskî weşand.

Di daxuyaniya hevpar a partî û rêxistinan de ev tişt hate diyarkirin: “Dewleta Tirk a ku dixwaze xwîn birije, ji 5’ê Hezîranê û vir ve êrîşên xwe yên li ser Başûrê Kurdistanê zêde kiriye.

Erê ev êrîş li dijî gerîlayên PKK’ê bû lê her kes bi armanca van êrîşand izane. Hedef îmhakirina hemû destkeftiyên Kurd û Kurdistanê ye. Wekî gelek caran niha jî stratejiya xwe ya Kurd hevdu bikujin dîsa tîne rojevê û ev hewldan di asta herî xetere de ye.

Ji ber vê divê hemû Kurd û dostên Kurdan li hemberî vê armancê û li dijî êrîşên qirker ên li ser Kurd û Kurdistanê rabin ser pêyan. Ne bi tenê bi gotinê, ji destê kê çi tê, divê tevlî çalakî û protestoyên li dijî vê siyaseta qirêj a dewleta Tirk a faşîst bibin.

Li her çar parçeyên Kurdistanê û li her dera dinyayê çalakî tên kirin. Hin Kurd û dostên wan ên li Ewropayê ji bo ku pêşiya polîtîkaya qirkirina Kurdan bigire, çûn Hewlêrê.

Mixabin li Hewlêr û Ewropayê hatin astengkirin. Hinek jê nekarîn biçin Hewlêrê.

Em saziyên li Ewropayê ji vê helwesta neyînî gelekî xemgîn bûn. Bêguman gelek gilî û lomeyên me yên li hemberî Rêveberiya Herêma Kurdistanê heye. Ji dêvila ku bi kêfxweşî van komên aştiyê pêşwazî bikin, helwesteke berevajî nîşan dan. Ev helwest xisare dide doza Kurdistanê û divê her kes bizanibe ku ev helwest xizmeta polîtîkaya dagirker a AKP û MHP’ê dike.

Em partî û rêxistinên Kurd ên li Ewropayê, helwesta PDK’ê şermezar dikin ya ku xizmeta doza Kurdistanê nake û em bang li we dikin ku ji gelê Kurd lêborîna xwe bixwazin.

Bi taybetî em bang li Mesûd Barzanî dikin ku bila gotina xwe ya ‘Heta ku ez sax bim, ez ê destûrê nedim ku Kurd Kurdan bikujin’ bi bîr bîne û pêşiya hewldanên piştgiriya ji bo polîtîkaya êrîşkar a dewleta Tirk bigire.

Gerîla û pêşmerge keç û kur, xuşk û birayên me ne.

Divê em nehêlin ku ew bi hev re şer bikin, ji dêvila ku ew ê hev bikujin divê gerîla û pêşmerge bibin yek û li hemberî êrîşên dagirker ên dewleta Tirk û hemû dagirkeran alaya Kurdistanê bi hev re bilind bikin. Kurdistan ya me hemûyan e! Divê peywira hemû Kurd û Kurdistaniyan ev be.

KCDK-E (Kongra Civaka Demokratîk a Kurdistanê-Ewropa)

TJK-E (Tevgera Jinên Kurdistanê-Ewropa)

Partiya ŞÛÎ – Başûrê Kurdistanê

Kongra Star (Rêxistina Jinan a Rojava, Bakur-Rojhilatê Sûriyeyê) Ewropa

Partiya Zahmetkêşan – Başûrê Kurdistanê

PADÊ (Partiya Azadî û Demokrasiya Êzîdiya)

Tevgera Azadî

PYD (Partiya Yekîtiya Demokrat)

P.D.K.S (Partiya Demokrat a Kurdî ya Sûriyeyê)

Partiya Çep a Kurd li Sûriyeyê

Tevgera Nûjen ya Kurdistanî-Sûriye.

PÇDKS ( Partiya Çep a Demokrat a Kurd li Sûriyeyê.)

Partiya Demokrata Kurd li Sûriye( El Partî).

Partiya Çep a Demokrat li Sûriye.

Partiya Rêkeftin a Kurd li Sûriye.

Partiya Çaksaziya Kurd li Sûriye.

Partiya Kesk a Kurdistanî li Sûriye.

Partiya Demokrata Kurdistanî li Sûriye.

Partiya Komanist a Kurdistanî li Sûriye.

PÎK (Partiya Îslamiya Kurdistan)

KKP ( Partiya Kominista Kurdistan)

Tevgera Kawa

PJAK(Partiya Jiyana Azada Kurdistan)

Yakyatî Şoreşgêrî Kurdistan

KODAR (Civaka Demokratîk û Azada Rojhelatê Kurdistan)

KJAR (Civaka Jinên Rojhelatî Kurdistan)

Platforma Horam

Plattform Zagros

Platform Yarsan

Yarî Kurd

Partiya Demokrat û Pêşverû Kurdî li Surîye

Tevçand (Tevgera Çand û Hunera Kurd)

Kurdische Gemeinde Stuttgart e.V

FEDA ( Federasyona Elewîyên Kurdistanê)

NAV – YEK (Federasyona Komelên Êzidiyan)

Kurdische Zentrum Berlin

CIK ( Civaka Îslami ya Kurdistanê)

Enstituta Kurdî – Elmanya

Enstituta Kurdî – Bruksel

MŞD ( Meclîsa Şingal a Derveyî Welat)

YMK ( Yekîtîya Mamostayên Kurdistan)

YES (Yekitiya Êzdiyên Sûriyeyê)

Kurdisch Gemeinde Brandenburg - Berlîn

Dachverband der Êzidischen Frauenräte

DKF (Deutsch-kurdisches Forum) e.V Dresden

Kongreya Gel a Mezopotamyayê

Partiya Azadiyê ya Mezopotamyayê

Kurdistan Human Rights Association"