Li Mulhousê ji aliyê Komîteya Malbatên Şehîdan ve ji bo kadroyên pêşeng ên têkoşîna azadiya Kurd Berfîn Nûrhaq (Hanim Xanê Demîr) û Sema Roza (Încî Sumbul) çalakiya bîranînê hate lidarxistin. Bîranîn ji bo Şehîdên Azadiya Kurdistanê bi deqîqeyek rêzgirtinê destpê kir.

Piştre siyasetmedar Bedrettîn Kavak mafê axaftinê girt. Kavak bilêv kir ku axaftina di berbarê şehîdan de her tim zor e û wiha got, “Şehîd rûmeta me ne. Wan dayîna jiyana xwe vê têkoşînê anîn vê qonaxê. Em îro bi saya şehîdên xwe li vir in. Em deyndarê wan in; tenê bi xwedîderketina li têkoşîna wan dikarin vê deynê bidin.”

Kavak ragihand ku ev bi hezaran malbatên şehîdan re civiyane û anî ziman ku ragihandina agahiya şehadetê ji malbatan re tişta herî zehmet e, lê ev yek ji bo wan berpirsyariya herî mezin e. Kavak diyar kir ku divê şehîd neyên jibîrkirin û wiha got, “Jiyankirina xeyalên wan erka me ya herî bingehîn e.”

Bedrettîn Kavak anî ziman ku tevî parçebûnên borî jî îro li qada navneteweyî zêdetit dîtbarî û rêzdarî hatiye qezenckirin û got ku ew ê têkoşîna xwe ya ji bo pêkanîna armancên şehîdan bidomînin.

Piştî axaftinan sînevîzyona li ser jiyan û têkoşîna Berfîn Nûrhaq û Sema Roza hate pêşandan. Piştre, bîranîn bi dirûşmeyên “Şehîd Namirin” bi dawî bû.