Kurdistaniyên li bajarê Marsîlya ya Fransayê dijîn û dostên wan bi meşekê êrîşên dagirkeriyê yên dewleta Tirk a li ser Zap, Avaşîn û Metînayê yên girêdayî Herêmên Parastina Medyayê şermezar kirin.

Kurdistanî û dostên wê li Meydana Canabîere hatin cem hev û ber bi meydana Vîeûx Portê ku meydaneke herî qerebalix a Marsîlyayê ye dest bi meşê kirin.

Di çalakiyê de pankartên li ser hatibûn nivîsandin “TC ji Kurdistanê bicehime”, “Ji Kurdistanê re azadî” û “Ji Rêberê Gelê Kurd Abdullah Ocalan re azadî” hatin hilgirtin û alên PKK, YPG, YPJ û TCŞ’ê hatin hildan.

Di meşê de her wiha belavokên bi zimanê Fransî hatin belavkirin û sirûdên bi Kurdî hatin lêdan. Çalakgeran bi berdewamî dirûşmeyên “Bijî berxwedana gerîla”, Bijî berxwedana Avaşîn, Zap, Metîna”, “Bijî Serok Apo” û “Erdoganê terorîst, Erdoganê kujer” berz kirin.

Meş ku li Meydana Vîeox Portê bi dawî bû, li wir piştî deqeyek rêzgirtinê bi zimanên Kurdî û Fransî axaftin hatin pêşkêşkirin.

Çalakî bi qêrîna dirûşmeyan bi dawî bû.