Li bajarê Malmo yê Swêdê Cejna Berxwedana Neteweyî bi coşeke mezin hate pîrozkirin. Çalakiyê bi deqeyeke rêzgirtinê destpê kir. Piştre Hevserokên Meclîsê silav dan girseya gel û Cejna Vejînê pîroz kirin.

Di çalakiyê de ku yek ji pîrozbahiyên herî girseyî yên salên dawî bû, işaret bi girîngiya paradîgmaya civaka demokratîk a Rêber Apo hate kirin. Parlamentera berê ya HDP'ê Feleknaz Ûca li pîrozbahiyê axivî û anî ziman ku pêvajoya ji aliyê Rêber Apo ve hate destpêkirin wê destketiyên girîng ji bo gelan bi xwe re bîne. Ûca ji b pêvajo veguhere aştiyê divê tavilê sererastkirinên hiqûqî bêne kirin û Rêber Apo azad bibe.

Ûca diyar kir ku Rêber Apo bi têkoşîna xwe ya ji 52 salan hebûna gelê Kurd li tevahiya cîhanê da ispatkirin û destnîşan kir ku dema azadiya vî gelî hatiye. Ûca bang li gelê Kurd ê li çar aliyên cîhanê kir ku bi xurtî tevlî têkoşîna civaka demokratîk bibe.

Piştî axaftinan hunermend Xemgîn Bîrhat, Hîva Kobanî-Lavîn Kobanî, Ergîn Xelîkan û Hozan Seyfîn hunera xwe pêşkêş kirin. Koroya Zarokên Rojê û Koma Azadî ya govendê jî derkete ser dikê û hunera xwe nîşan dan.

Di pîrozbahiyê de tim û tim dirûşma "Bijî Serok Apo" hate qîrîn.