Îro tûra bîsîkletê ku ji aliyê Solî Komîte û TCŞ’ê ve hatibû organîzkirin, bi dirûşmeya “Freîheît Fur Ocalan Frîeden în Kurdistan” li bajarê Chemnîtz a Elmanya pêk hat.

Tûra bîsîkletê ku namzedê ji Dîe Lînkê yê parlementeriyê ya Meclîsa Federal Tîm Detzner jî tevlî bibû di saet 13:00’an de li Karl-Marx-Monûmentê dest pê kir. Çalakiya tûra bajêr ku tê de alên ku li ser wan tendirûstî, ewlekarî û azadiya Rêberê Gelê Kurd Abdullah Ocalan daxwaz dikir hilgirtibûn, di saet 17:00’an de li Parka Konkordîayê bi dawî bû.

Çalakvanan belavokên ku balê dikişînin li ser tecrîda li ser Rêberê Gelê Kurd Abdullah Ocalan, êrîşên dagirkeriyê yên dewleta Tirk ya li ser Başûrê Kurdistanê û qedexekirina kongreya KCDK-E’yê xwendin.

Di çalakiyê de ku piranî ciwanên Elman tevlî bûbûn, kêliyên silavkirina şervanên azadiyê yên Pêngava Bazên Zagrosê dane destpêkirin hatin jiyîn.

Ji bo her bîsîkletê navê qadên mîna Mamreşo, Avaşîn, Zap û Garê ku li wê derê li dijî dagirkeriya dewleta Tirk ya li ser Başûrê Kurdistanê berxwedanî tê kirin dan.

Tûra bîsîkletê bi mûzîk û gerandina dîlanê bi dawî bû.