Çalakvanên ku li navenda Sandvikenê kom bûn, bi berzkirina dirûşmeyan hevgirtina bi taxên berxwedêr re nîşan dan.

Hevseroka Meclîsa Gel a Gavle-Borlange Jîn Haco di çalakiyê de axivî û diyar kir ku êrîşên li Helebê ne tenê Kurdên li herêmê, her çar parçeyên Kurdistanê hedef digirin.

Haco diyar kir ku dewleta Tirk li pişt êrîşan e û bal kişand ser serhildana li Rojhilatê Kurdistanê û got, "Ez bi dil û can gelê me yê Rojhilat silav dikim."

Hevserokê NCDK-Swêdê Battal Battî jî  bal kişand ser rola Tirkiyeyê ya di êrîşan de û got, "Divê Kurd bibin yek.” Battî diyar kir ku ew helwesta Bafil Talabanî û hewldanên Mesûd Barzaniyê girîng dibînin.

Hevserokê Komeleya Malbatên Şehîdan Vecdîn Batte diyar kir ku ew kesên ku dibêjin “em xwişk û birayên hev ên olê ne“ Kurdan qetil dikin û got, "Lê em ê taxên xwe neterikînin. Divê berî her tiştî êrîşkar vê yekê bizanibin."

Hevserokê Komuna Sandvikenê Brûsk Rojava jî got, "Divê em bi rihê Kobanê li kêleka Helebê bisekinin; şervanên li wir bi rihê Kobanê li ber xwe didin. Divê em li Ewropayê bi heman rihê li kêleka wan bisekinin."