Li paytexta Fransa Parîsê Kurdistaniyan li pêşiya Sefaretxaneya DYE’yê biryara DYE’yê ya derbarê rêveberên Kurd protesto kirin.

Kurdan pankarta bi nivîsên ‘Her sê rêveberên Kurd, têkoşîna nirxên mirovahiyê dikin’ û ‘Çavê xwe mezin vekin, ma terorîstên rast ev in’ vekirin û posterê Rêberê Gelê Kurd Abudllah Ocalan vekirin û bê navber dirûşmên ‘Qatil Erdogan’, ‘Ji bo Kurdistanê çareseriyek siyasî’, ‘Diktator Erdogan’ û ‘Ji Ocalan re azadî’ qîr kirin.

Hevserokê CDK-F’ê Necmettîn Demîrkapi li vir axivî û diyar kir ku meheke li pêşiya sefaretxaneya DYE’yê çalakiyan dike û got: “Hew rê bidin ku xaka pîroz a Kurdistanê ku malovanî ji hemû şaristaniyan re kiriye ji aliyê dewleta Tirk ve bê krîmînalîzekirin.”

Demîrkapi ji bo çalakiya ku wê 29’ê Gulanê roja Şemiyê saet 15:00’an li Qada Repûblîqûe a Parîsê bê lidarxistin jî banga tevlîbûnê kir.