Berdevkê Wezareta Karûbarên Derve ya Fransayê Pascal Confavreux, diyar kir ku Fransa piştgiriyê dide Sûriyeyek ku hemû kêmneteweyan di nava xwe de dihewîne û got, “Em dev ji Kurdan bernadin. Em di ferqa deyna xwe ya li hember wan in.”

Li gorî nûçeya AFP’ê Confavreux got, “Ew hevalên me yên çek in.”

SENATOR: FRANSA BÊDENG Û BÊÇALAK E

Senatorê Sosyalîst Remi Feraud, têkildarê Rojava ji bo bersivandina hikûmetê pêşniyazpirsek devkî pêşkêşî senatoyê kiribû û nerazîbûn li hember bêdengiya wê dabû. Feraud, bersiva hikûmetê qels dît û got, “Min pirsîbû ku Fransa li kur e. Lê ez dibînim ku ew bi bêdengî û bêçalakî derdikeve pêş.” Feraud, destnîşan kir ku divê ewil li dijî rejîma Sûriyeyê xwedî nêrînek zelal bin û bi biryar bin û got, “Di van rojên hesas de divê em li kêleka Hêzên Sûriyeya Demokratîk û General Mazlûm bisekinin û Kurdan bi tenê nehêlin.”

WEZARET: ME ÎXANET NEKIR

Her wiha Berdevkê Wezareta Karûbarên Derve Pascal Confavreux, jî nêrînên ku dibêjin rayedarên Fransayê li hemberî Kurdan îxanet kiriye red kir û diyar kir ku Fransa ji bo piştgiriya Sûriyeyek berfireh ku hemû kêmneteweyan di nav xwe de dihewîne, ji bo pêşîgirtina li tundûtûjiyê û ji nû ve zindîbûna DAÎŞ’ê dixebite.

Pascal Confavreux, got ku Serokkomar Emmanuel Macron û Wezîrê Karûbarên Derve yê Ewropayê Jean-Noel Barrot ji bo rawestandina tundûtûjiyê bi hevpîşeyên xwe re hevdîtinan pêk tînin.