Li paytexta Spanya Madrîdê, 421 kadroyên 'La Montana-Çiya' ya Artêşa Rizgariya Neteweyî ya Zapatîsta (EZLN) hatin pêşwazîkirin. Di nava heyetê de ya ku kadroyên EZLN'ê pêşwazî kir, nûnerên Rojava Azadî Madrîd û Womend Defend Rojava jî hebûn.

Merasîma pêşwazîkirinê li taxa Lavapiesê pêk hat û bi navê Rojava Azadî Madrîd û Womend Defend Rojava axaftin hate kirin û hate gotin, "Di 3'ê Tîrmehê roja çalakiyan a glogal a li dijî dagirkeriyê de li her devera cîhanê çalakiyên Defend Kurdistan têne lidarxistin."

Qiseker anî ziman ku ew bi kêfxweşî heyeta EZLN'ê pêşwazî dikin û got, "Em hêvîdarin ku rêwîtiya we ya li Ewropayê wê ji bo vê Ewropaya kevn a ku ji ezeztiyê tengav bûye, mîna bayekî ji daristana Lacandona be."

Nûner bal kişan ser çiyayên bilind ên Kurdistanê û got, "Li Kurdistanê jî çiyayên bilind hene, li van çiyayan û deştên wan neolîtîk a beriya 10 hezar salî berfireh bû û 40 sal in şoreşeke nû pêk tê. Xwişkên şoreşa Zapatîsta. Demokrasiya ji bingehê ve, azadiya zayendî û parastina cîhanê hemanên bingehîn ên tevgerên Kurdistanê û şoreşa Rojava ye ku îro ji ber dagirkeriya Tirkiyeyê û çeteyên cîhadîst di xeteriyê de ye."

Pirtûka li ser Rojava ku ji aliyê jinên enternasyonalîst ên Ewropî ve hatiye nivîsandin diyarî heyetê hate kirin.