Li herêma Eupenê ya Belçîkayê ciwanekî 20 salî li ber avê çû û mir.

Walîtiya herêma Lîegeyê jî ragihand kesekî 40 salî li kîlera mala xwe xeniqiye û miriye. Li Lîegeyê li hin herêman di nav 48 saetan de 271 mîlîmetre baran bariya.

Li komuna Rendeuxê jî keçeke 15 salî kete çêm û hê jî agahî jê nehatiye standin.

Ji roja Çarşemê û wir ve li herêmên Valon û Brûkselê ji ber baranê gelek ziyan çêbû.

Li herêma Valonê alarmanca tirincî didome, tê payin roja Înê rewşa hewayî asayî bibe.

Ji ber barana zêde gelek çem û robar rabûn. Çemê Qurthe yê komuna Renduxê jî rabû. Her wiha gelek rê, gund û bajar di bin avê de man.

Li Lîegeyê ji hin herêman agahî nayê standin. Li vê herêmê Spas, Theux û Pepînster di bin avê de ma.

Li Pepînsterê li ber çemê Vesdreyê 10 mal hêrivîn. Sibeha Pêncçemê şêniyên bajarê Vervîersê jî dema ku şiyar bûn, dîtin ku di bin avê de mane.