Komîsyonê ragihand, kota penaberan li dijî konvansiyona navneteweyî û Ewropayê ye.

Li Awûstûryayê sosyal demokrat (SPO) ên li desthilatdariyê ne û hikûmeta koalîsyona bi mûxafazakaran (OVP) re dabû xuyakirin, ku ji bo rojane 80 serlêdanên penaberiyê werin kirin, ew ê destûrê bidin rojane 3 hezar 200 penaber derbas bibin. Hikûmetê her wiha ragihandibû, ku kontrolên li sînorên Îtalya, Slovenya û Macarîstanê wê li gelemperiya sînor werin şidandin.

Komîsyona YE li dijî vê biryarê daxuyaniyek weşand û destnîşan kir, ku kota penaberan li dijî konvansiyona navneteweyî ya yekîtiyê ye û ev yek wê neyê qebûlkirin. Komîserê Komîsyonê yê ji koçberiyê berpirsyar Dîmîtrîs Avramopûlos nameyek ji Wezîra Karên Hundir a Awûstûryayê Johanna Mîkl-Leîtner re şand û diyar kir, ku ev biryar nabe ku bikeve meriyetê.

Avramopûlos diyar kir, ev yek li dijî Peymana Mafên Mirovan a Ewropayê, Konvensiyona Cenevreyê û xala 18. a Şertê Bingehîn ê Yekîtiya Ewropayê ye.

Wezîra Karên Hundir a Awûstûryayê bersiv da nameya Avramopûlos û dubare kir ku ew bi biryar in biryara kotayê bixin meriyetê. Leîter diyar kir, pêkanîn wê ji roja Înê (îro) pê ve bikeve meriyetê.