Li gorî daxuyaniya Ajansa Yahûdî ya ku navenda xwe li Îsraîlê ye, operasyona transferkirina Yahûdiyên li Yemenê ku di sala 1949'an de destpê kir û ji ber şer hat zêdekirin, bi dawî bû.

Dîrektorê Giştî yê Ajansê Natan Sharansky diyar kir, şeva Yekşemê 17 û pêr jî 2 Yahûdiyên li Yemenê anîne Îsraîlê. Hat ragihandin, ku di nava van Yahûdiyên anîne Îsraîlê de hahamekî bi navê Suleyman Yîhiye jî heye û vî kesî Tewradek 500 salî jî bi xwe re aniye.

Natan Sharansky da xuyakirin, ku di çarçoveya transfera Yahûdiyên li Yemenê de, ji sala 1949'an û vir ve 40 hezar kes anîne Îsraîlê û anî ziman, bi anîna 17 kesan roja Yekşemê re ev operasyon qediya ye. Sharanksy ragihand, bi qasî 50 Yahûdiyên li Yemenê nexwestine vî welatî biterikînin û li avahiyeke nêzî Sefaretxaneya DYA ya li paytext Sanaayê bi cih bûne.