Tevgera Leşkerî ev hefteyeke li navçeyên Şemzînan û Geverê yên Colemêrgê berdewam dike.

Tevgera leşkerî ya li Şemzînan û Geverê ku ev hefteyek zêdetir e heye bênavber berdewam dike. Gelek tank ji Geverê  şandin Tabûra Komando ya 3’yemîn a Şemzînanê. Duh bi şev tankên ku li 3’yemîn Tabûra Komando ya Teknîk a Şemzînanê kom bûn, ber bi herêma Gare ya li ber sînorê Îranê, Navberojan a li ber sînorê Başûrê Kurdistan, qereqola Girê Qetinê, Îsya, Girane, her wiha qereqola nû ya li ser girê 1050,  girê Egul ê ji bo ewlekariya Bendava Bedevê yekîneyeke leşkerî lê bi cih bûye hatin şandin.  Dîsa hat zanîn ku tankên ji wan re “Firtone” tên gotin ji Tabûra Bezelê û Girê Bayrak berê luleyên xwe dane Herêma Başûrê Kurdistanê.

'TEVGERA HERON Û HELÎKOPTERAN DI ASTA JOR DE YE'

Ligel vê di rojên dawî de li Gever, Oramar û li ser sînorê Başûrê KUrdistanê ber bi danê êvarî ve tevgera heronan hebû. Hat destnîşankirin ku ji danê sibê heta êvarî heronan li ser cihên ku gel dijî geriyaye û ji ber dengê wê hemwelatî aciz bûne. Dîsa ev 2 roj in li Geverê tevgera helîkopretan a ji bo qereqol û leşkerên li ser sînor re veguhestina leşkerî dike heye. Li herêmê tevgera heron û helîkopteran berdewame.