95 Kobaniyên ku 15 roj berê ji ber êrîşên çeteyên DAIŞ ên li ser Kobanê berê xwe dabûn Bakurê Kurdistanê û ji aliyê rayedarên Tirkiye ve li Pirsûsê hatibûn girtin, serbest hatin berdan.

310 Kobaniyên ji ber êrîşên komên çete yên DAIŞ’ê di 6’ê Cotmehê de berê xwe dabûn navçeya Pirsûs a Rihayê. Rayedarên Tirk sivîlên piraniya wan jin û zarok bûn destpêkê di Dibistana Amadeyî ya Pirsûsê de girtin û piştre ew biribûn qada futbolê ya heman bajarî. Rayedarên Tirk gelek jin û zarok berdabûn û 95 sivîl ji wan ji wê rojê ve li gel wan girtîbûn.  Rayedarên Tirk 95 welatiyên girtî ku mabûn li ser esasê wan bibin kampa AFAD a Pirsûsê Riha  serbest berdan.