Hat ragihandin ku di operasyoneke li Komara Kabardîno-Balkarya ya li Herêma Federal a Bakurê Kafkasya herî kêm 11 kesên tê îdîakirin têkiliya wan bi DAIŞ’ê re heye hatine kuştin.
Li gor agahiyeke xwe dispêre çavkaniyeke yekeyên ewlekariya xwecihî, koma li hember wê operasyon hatiye lidarxistin di demeke nêz de girêdana xwe ya bi çeteyên DAIŞ’ê re ragihandibû.
Koma bi navê ‘Emîrtiya Kafkasya’, di vîdeoyeke ku di meha Hezîranê de weşandibû girêdana xwe ya bi DAIŞ’ê re îlan kiribû. Li komarên xweser ên wek Çeçenîstan, Dagistan, Inguşetya û Kabardîno-Balkarya mîlîtanên vê komê hene.
