Rêveberiya Kantona Kobanê, ji bo ku pêşî li komkujiya sivîlan bê girtin banga lezgîn li raya giştî ya navneteweyî kir û bang li gelê Kurd jî kir ku bi her awayî rabe ser piyan. Hevseroka PYD'ê û Serokwezîrê Kantona Kobanê jî di eniya berxwedanê de bajar diparêzin.

Çeteyên DAIŞ'ê êrîşî taxên sivîl ên bajar kirin, rastî berxwedana şervanên YPG/YPJ'ê hatin û pêşî li çeteyên êrîşkar hate girtin. Li taxên bajar şer berdewam e. çeteyan tang û topên xwe li dora bajar bi cih kirine û bêserober bajar bombebaran dikin. Li bajar şerên giran diqewimin û bi sedan çete hatine kuştin. Siyasetmedarên Kurd jî tevli refên berxwedanê bûn. Hevseroka PYD'ê û Serokwezîrê Kantona Kobanê jî di eniya berxwedanê de bajar diparêzin.