Li Amedê çalakiyên bi armanca piştgiriya bi Kobanê re berdewam dikin. Di Çalakiya îşev pêk hat de, êrîşên DAIŞ û polîsên Tirk bi lêxistina fîtik, beroş û tenekeyan hate şermezarkirin.

Bi peşengiya Komeleya Hemwelatiya Azad û Wekhev a Taxa Şehîtlikê bi dehan kes, li Semta Şehîtlik a navçeya Yenîşehîra Amedê ji bo êrîşên çeteyên DAIŞ'ê yên li ser Kantona Kobanê ya Rojava kom bûn û êrîşên çeteyan ku li dijî mirovahiye bi meş û ledana firaqan şermezar kirin.

Welatiyan li peşiya komeleyê dest bi meşê kirin û li gelek taxên semte meşiyan. Di meşê de welatiyan durişmayên "Bijî berxwedana Rojava", "Her der Kobanê her der berxwedan", "Amed ranezê li Kobanê xwedî derkeve", "Bijî berxwedana YPG/YPJ" û "Kujer DAIŞ hevkar AKP" qîriyan. Di meşê de hemwelatiyan li pîkan da û kesên derdorê jî bi dirûşm û lêdana firaqan û welatiyên di malên xwe de jî bi girtina lambeyan piştgirî dan çalakiyê.

Herî dawî welatî derbasî Taxa Ben û Senê bûn û piştî çalakiya xwe li vir jî li dar xistin, berê xwe dan komeleyê û çalakiya xwe li ber komeleye bi dawî kirin. Welatiyan biryara heya êrîşên çeteyan û piştgiriya AKP'ê ya çeteyan bi dawî nebe de her roj di saet 20:00'an de çalakiya xwe pêk bînin. Dema komê çalakî pêk anîn, polîsan jî bi du wesayîtên zirxî çalakvan ji pişt ve dişopandin.