Li gundê Bênê yê girêdayî navçeya Şêrawa ya bajarê Efrînê di navbera hêzên YPG'ê û komên çekdar de pevçun derket.

Li gorî agahiyên ji çavkaniyên herêmî hatine girtin, li derdora gundê Bênê di navbera hêzên Yekîneyên Parastina Gel (YPG) û komên çekdar de pevçûn derket. Hate ragihandin ku pevçûnên îro destpê kirine hîn didomin. Derbarê pevçûnan de agahiyên zelal nehatin bidestxistin.

Li bejahiya navçeya Şêrawa û gundên Ziyaret, Aqîbê, Basilê, Meereskê û Bênê yên girêdayî navçeyê ji 25'ê Gulanê ve bi êrîşên komên çekdar re pevçûnan rû dabû. Di pevçûnên ku di navbera YPG'ê û komên çekdar de heta 14'ê Hezîrên dom kirin de zêdetirî 80 endamên komên çekdar hatibûn kuştin, 11 endamên YPG'ê jî jiyana xwe ji dest dabûn. Ev 3 rojbûn li herêmê pevçûn  rawestiyabûn.