Ji bo Tirkiye leşkerên xwe yên li herêma Başîka ku ji bo dagirkirina Mûsilê lê ne vekişîne, Serokê DYA Barack Obama bangek din kir.

Barack Obama destnîşan kir, ku divê Tirkiye hemû leşkerên xwe yên li Iraqê yên ku hikûmeta Iraqê destûra mayîna wan nade, ji vî welatî vekişîne.

Qesra Spî ragihand ku Obama duh bi Serokwezîrê Iraqê Haydar Abadî re bi telefonê axivî û der barê rewşa aloz a li herêma Başîka ya Mûsilê ya ji ber hebûna leşkerên Tirk rû da, Obama diyar kiriye ku divê Tirkiye leşkerên xwe yên hikûmeta Iraqê destûra mayîna wan nade, vekişîne.