Nûnerê Taybet ê Neteweyên Yebkûyî (NY) yê ji bo Sûriyeyê hatiye wezîfedarkirina Staffan De Mîstûra, piştî ziyareta Erebîstana Siûdî, derbasî Şamê bû.

Tê payîn De Mistûra îro bi Wezîrê Karên Derve yên Sûriyeyê Walîd El-Muallim re bicive û amadekariyên lidarxistina civîna Cenevere ya 25’ê Çileyê, gotûbêj bike. Piştî Sûriyeyê De Mistûra wê berê xwe bi bide Tehranê û li wir serdana xwe ya ji bo herêmê bi dawî bike.

Beriya Şamê De Mistûra li Riyadê bi nûnerê civîna Riyadê ya qaşo opozîsyonê re civiyabû. De Mistûra bi vê komê re dema lidarxistina civîna danûstandina bi rejîmê re û lîsteya navê şandeya muxalefetê nîqaş kiribû.