Çalakiya nobedê ya ji bo azadiya Rêberê Gelê Kurd Abdullah Ocalan li ber Konseya Ewropa (KE) ya li Strasbourgê destpê kir, bênavber dewam dike.

Di roja 840. a çalakiya di 25'ê Hezîrana 2012'an de destpê kir de, Ahmet Dêrsim, Fedekar Riha, Metîn Kocaoglû û Serdar Aydemîr ên ji herêma Sachsen a Elmanyayê çalakî dewir girtin.

Endamên koma çalakger, her roj bi dehan mirovî re diyalogê datînin û der barê hewldanên Ocalan ên ji bo aştiyê de agahiyan didin. Endamên komê dan xuyakirin ku ew ji bo azadiya Ocalan û girtiyên siyasî tevlî vê çalakiyê bûne û wê hefteyekê nobedê bigirin. Nobedar wê tevahiya hefteyê broşurên li ser biyografiya Ocalan belav bikin û di çarçoveya kampanya îmzeyan a ji bo azadiya Ocalan de îmzeyan kom bikin, der heqê komkujiyên li Rojava û Şengalê de agahiyan bidin.

Endamên komê, bêdengiya welatên Ewropa û hêzên koalîsyonê ya li pêşberî komkujiyan şermezar kirin, berxwedana Kobanê silav kirin û çalakiya nobedê dewir girtin.

Çalakiya nobedê ji 25'ê Hezîrana 2012'an û vir ve, heftê heft rojan saet di navbera 07:30 û 17:00 de bênavber dewam dike. Heta niha 18 hezar îmze ji bo azadiya Ocalan hatine berhevkirin. Ev çalakî çalakiya herî demdirêj a Kurdistaniyên li Ewropayê ye.