Alîkarê Serokkomarê Iraqê Nûrî El Malîkî diyar kir ku Tirkiye dixwaze ji kaosa li Iraqê sûdê werdbigire û Mûsilê ji Iraqê qut bike. Malîkî destnîşan kir ku ev xeyalên Tirkiyeyê wê bi cih neyên.

Nûrî El Malîkî duh bi lîderên eşîrên Iraqî re rûnişt. Di civînê de rola eşîran a di têkoşîna li hemberî DAIŞ'ê de hat nirxandin û hat gotin ku veguhastina leşkerên Tirk ber bi herêma Başîka ya Mûsilê jî hatiye nîqaşkirin.

Malîkî got, "Tirkiye dixwaze ji kaosa Iraqê sûdê werbigire û bi vî rengî Mûsilê ji Iraqê qut bike." Hat destnîşankirin ku helwesta Iraqê ya li hemberî nêzîkatiya Tirkiyeyê zelal e û ew ê firsendê nedin ku ev xeyala Tirkiyeyê pêk were.