Leşkerên yên ji bo gundê Dewşenê hatin veguhestin, bêyî hişyariyê bikin êrîşê gelê ku bi armanca piştgiriya bi berxwedana Kobanê re li ser sînor e kirin. Bûyerên piştî êrîşên dest pê kirin didomin û leşkeran xwest ku li gundê Etmanikê cihên stratejîk bên valakirin û ev daxwaza leşkerên Tirk bû sedema gumanan.

Kurdên Bakûrê Kurdistanê ku li gundê Dewşenê bi armanca piştgiriyê bidin berxwedana Kobanê û derbasbûna çeteyên DAIŞ'ê asteng bikin, nobet digirtin, li rastî êrîşa polîsan a bombeyên gazê hat. Di nava rojê de li gundê Etmanikê jî heman dîmen  hebûn û gelek jin û zarok ji ber bombeyên gazê bi bandor bibûn.

Beşek ji gelê ku ji ber bombeyên gazê bi bandor bûn bi wesayît û meşê ji gund derketin û komeke di nav de ciwan jî hene, bi kevir û fîşekên hewiyayî bersiv dan êrîşên leşkerên Tirk. Li gund bûyer berdewam dikin û di wesayîta bombeya gazê ya leşkeran pê ket şewat derket. Hat ragihandin ku di wesayîtê de teqîn çêbû.

Hewildana leşkeran a valakirina gundên Etmanek û Dewşenê welatiyên di nobeta berxwedanê de diltirs kirin. Bi taybet gundê Dewşen bi gundên Alîşêr û Şêran ên aliyê din ên di bin kontrola çeteyan de ne cîran e û ji ber vê yekê welatiyan xistin nava gumanan.