Balafirên şer ên artêşa Tirk, li ser Herêmên Parastinê yên Medya keşifê pêk anîn. Herêmeke din a balafirên artêşa Tirk lê keşif pêk anîn jî herêma Çemçê ya navçeya Qaqizman a Qersê ye.

Navenda Çapemenî û Ragihandina HPG’ê (NÇR-HPG) ku daxuyaniyeke nivîskî weşand diyar kir balafirên keşfê yên artêşa Tirk 15’ê Cotmehê di navbera saet 13.00 û 16.00’an de, dîsa saet 22.30 û 23.00’an li ser herêma Zap a girêdayî Herêmên Parastina Medya keşifê pêk anîne.

LI ÇEMÇÊ KEŞF ZÊDE BÛN

NÇR-HPG’ê diyar kir ku 16’ê Cotmehê (îro) saet 10.00’an li ser herêma Çemçê ya girêdayî navçeya Qaqizman a Qersê gera balafirên keşfê zêde bûye. Dîsa hat diyarkirin ku gera keşifan a li ser vê herêmê bênavber berdewam dike.

LI ŞAXÊ LEŞKER BI GEL DARAN DIDIN BIRÎN

Qereqola gundê Xavişta ya girêdayî navçeya Şax a Wanê bi gelê gund daran didin birîn. NÇR-HPG’ê gelê herêmê ji bo neyên lîstikeke wiha hişyar kir û diyar kir ku divê bi baldarî lê hişyar bin. NÇR-HPG’ê got: “Zerardayîna dar û daristanan sûc e.”