Li her sê eniyên Kobanê di van kêliyan de şer û pevçûnên dijwar diqewimin.

Li gorî agahiyên ku nûçegihana ANHA'yê ya Kobanê, di van kêliyan de komên çete yên DAIŞ ê êrîşên xwe zêde dikin, li ser vê yekê jî hêzên YPG bersiveke tund dide çeteyan. Li gorî agahiyan şerê vê êvarê li Rojhilat, başûr û rojavayê bajar pir dijwar bûne. Li ser encamên şer û pevçûnan heta niha tu agahiyên zelal ne hatine bidestxistin.

Îro saet di 18.20’an de çeteyan li aliyê rojhilatê Kobanê hewl dan ku bi 2 wesayîtên bombebarkirî li pey hev êrîşî şervanên YPG’ê bikin. Lê şervanan bersiv dan û her du wesayîtên wan ên bombebarkirî beriya ku bigihêjin armanca xwe teqandin. Her wiha li eniya rojhilat çeteyan êrîşên xwe dijwartir kirin û şervanên YPG’ê bersiva wan dan.