Ji Kobanê di 5’ê Cotmehê de 160 welatiyên ji Kobanê hatin û di nav de rojnameger jî hene ev 4 roj in li Lîseya Fenê tên rawestandin. Welatiyên ji Kobanê hatine ji aliyê ekîbeke taybet a ji Enqereyê hatine tên pirsyarkirin li hemberî muameleya ne baş e ev 3 roj in di greva birçîbûnê de ne. Ji ber welatiyên di bin çavan de ne rêxistinên mafên mirovan û rêxistinên pîşeyî yên rojnamegeran dê bikevin nava hewldanan.

160 welatiyên ku ji ber pevçûnan ji Kobanê di 5’ê Cotmehê de hatin û di nav de rojnameger jî hene li Lîseya Fenê ya Taxa Alîgora Pirsûsê tên rawestandin. Kobaniyên ku ji aliyê ekîbeke taybet a ji Enqereyê hatin ve tên pirsyarkirin û nehat hînbûn ku welatiyên Kobanê ji ber kîjan prosedurê tên rawestandin, Leşkerên ku li ber dibistanê disekinin nahêlin parlamenter û parêzer jî bikevin hundirê dibistanê.

Kobaniyên ku di bin navê sohbetê de tên pirsyarkirin ji ber muameleyên ku rast hatin ev 3 roj in di greva birçîbûnê de ne. Ji bo Kobaniyên ku tên pirsyarkirin rêxistinên mafên mirovan û rêxistinên pîşeyî yên rojnamegeran dê bikevin nava hewldanan.

Li aliyê din di dibistana ku lêpirsin didome de ev 4 roj in ders nayên dîtin, heke prosedura Tirkiyeyê bê bikaranîn divê welatiyên Kobanê herî dereng îşev bên berdan. Lê li gorî agahiyan welatiyên Kobanê wê demeke din jî bên girtin.