Li Bêdlisê xebatên kontra yên ser bi artêşa Tirk zêde dibin. Hat ragihandin li gunên navçeya Norşînê jî, leşker kemînê datînin.

Navenda Çapemenî û Ragihandinê ya HPG'ê bi daxuayniyeke nivîskî, der heqê liv û tevgera leşkerî û xebatên kontra yên li Bêdlisê de agahî da.

Di daxuyaniyê de weha hat gotin: "Di navbera 19-20'ê Tîrmehê de, li derdora gundên Aşagimork û Xest ên ser bi navçeya Bêdlis Norşînê, artêşa Tirk a dagirker kemîn danî. Her weha li van gundan û derdorên wê, yekîneyên kontra yên artêşa Tirk a dagirker, bi kincên hêzên me yên gerîla digerin û antî-propaganda dikin."

Her weha hat ragihandin ku li derdora gundê Ximsê yê navçeya Tetwanê jî komek kontra ya artêşa Tirk bi kincên gerîla digere û ji gel hat xwestin ku hişyar be.