HPG’ê aşkera kir ku, artêşa Tirk li bejahiya navçeya Lîceya Amedê bi piştgiriya helîkoptera skorsky û balefira keşfê ya bê mirov operasyon daye destpê kirin.

Navenda Çapemanî-Ragihandina Hêzên Parastina Gel (HPG-NÇR) di derbarê operasyonên artêşa Tirk de daxuyaniyek da û ragihandin ku, “16’ê Tîrmehê bi piştgiriya balefirên keşfê ên bêmirov û helîkopterên skorsky yên aydê artêşa Tirk ya dagirker li derdora gundên Xazmas, Git, Bamîtnê, Cabitmê û Akdag yên ser bi navçeya Lîca Amedê operasyon daye destpê kirin. Operasyon di heman rojê de di demjimêrên şevê 17:00’an de paşde vegeriyaye.

Weke din jî HPG’ê ragihand ku, artêşa Tirk ji 14’ê Tîrmehê ve bi helîkoterên skorsky û balefirên keşfê yên bêmirov  li herêmên Şehîd Kendal ên girêdayî Amedê digerin.