Li gorî rêxistinên civakî yên sivîl, piraniya nifûsa vî welatî, yanî ji sedî 80 ê temamiya mirovên li Yemenê hewcadarên alîkariyê ne. 2 mîlyon mirov nikarin bi têr xwarinê bixwin.

Berpirsyareke Komeleya Action contre la faim (Çalakiya li dijî birçîbûnê) Crîstîna Theveno ji rojnameya Le Matîn a Swîsreyê re axivî û got, "Rewşa însanî giran dibe. Rêxistinên civakî yên sivîl êdî nikarin bersivê bidin pêdiviyên gel."

Theveno diyar kir, di Adara 2015'an de hejmara mirovên hewcedarê alîkariyê bûn 16 mîlyon bû û got, "Ev hejmar îro gihaştiye 21 mîlyonî, yanî ji sedî 80 ê nifûsê."

Theveno ragihand, li 10 ji 21 wîlayetan, asta alîkariya lezgîn a însanî derketiye qonaxa dawî ya beriya birçîbûnê, qonaxa çaremîn.

Tevî vê rewşê jî li pêşiya gihandina alîkariya rêxistinên civakî yên sivîl, gelek astengî hene. Li Yemenê ku liv û tevgera mirovan hatiye bisînorkirin, gef û binçavkirin rû didin.

Şer bi taybetî bandoreke giran li zarokan dike. Li Yemenê 2 mîlyon zarok nikarin bi têrkerî xwarinê bixwin. Li rojavayê welêt li Hudeyda yek ji her sê zarokan nikare bi têr xwarinê bixwe.