Koreya Bakur da zanîn, ku wan bi awayekî serketî bombeyeke biçûk a atomê ya hîdrojen ceribandine. Ev bûyera ku ji aliyê televîzyona dewletê ve hat ragihandin piştî nûçeya li ser erdheja bi dijwariya 5.1 a li herêmê, hat weşandin.

Navenda Lêkolînên Jeolojîk a DYA ragihand ku li cihekî 49 kîlmetre li bakurê paytexta Korya Bakur Pyongyangê, erd hejiya ye. Piştî demeke kurt hikûmetên Koreya Başûr û Japonyayê da xuyakirin, ku pêkane testa bombeyeke atomê rê li ber hejandina li nêzî qada nukleerî ya Pûnggze-rî vekiriye.

Rêveberiya Koreya Bakur beriya niha sê caran di salên 2006, 2009 û 2013'an de li Pûnggze-rî ceribandina nukleerî kiribû.