250 Welatiyên herêma Kobanê ku derbasî Pirsûsê bûn û ji aliyê leşkerên Tirk ve hatin girtin, ji ber ku leşker wan berdan dest bi çalakiya biçîbûnê kirin.

250 Welatiyên herêma Kobanê ku ji ber êrîşên çeteyên DAIŞ'ê di Deriyê Sînor ê Murşitpinarê re derbasî navçeya Pirsûs a Rihayê bûn, ji aliyê leşkerên Tirk ve hatin girtin.

Leşkeran navên welatiyan qeyd kirin û wêneyên wan yek bi yek girtin û wan li stada Basketbolê ya li Pirsûsê girtî hiştin. Piştre leşkeran hemû derî û pencereyên stadê bi temamî girtin. Êdî li stadê ji ber hejmara zêde û girtina derî û pencereyan ba nema têre diçe û tê. Ev yek rewşa tenduristiya welatiyên ji aliyê leşkerên Tirk ve hatine girtin dixe metirsiyê. Leşkerên Tirk heta niha gelek caran girtine ser stadê û astengiyan ji welatiyan re derdixin û hemû tiştên bi wan re desteser kirin.

Îro ji ber vê welatiyên li stadê ku dixwazin derkevin û leşkerên Tirk heta niha wan bernedane dest bi çalakiya birçîbûnê kirin û gotin ku heta neyên berdan çalakî wê dewam bike.

Duh jî leşkerên Tirk rojnamevanên herêma Kobanê Mustefa Balî û Xezna Nebî tevî Serokê Saziya Malbatên Şehîdan a herêma Kobanê girtin. Piştî lêpirsînê herdu rojnamevan, serokê saziyê û kesekî din jî serbest hatin berdan. Lê welatiyên din ji leşkeran ew girtine û dixwazin derkevin û biçin gel xizmên xwe yên li Bakûrê Kurdistanê heta niha nehatine berdan