Li navçeya Colemêrg Çelê, bi wesîleya 1. salvegera Şoreşa Rojavayê Kurdistanê bi hezaran kes daketin kolanan û salvegera şoreşê hat pîrozkirin.

Şaredar, endamên Meclisa Şaredariyê, rêveberen BDP'ê û bi hezaran kes ji navenda Colemêrgê, gundên dordorê û ji navçeya Çelê tevli şahiyê bûn. 

Girse bi wêneyên Rêberê Gelê Kurd Abdullah Ocalan, alên PKK'ê û KCK'ê meşiyan Kolana Cumuhriyetê. Di şahiyê de herî zêde zarokên ku di destê wan de wêneyên Rêberê Gelê Kurd Abdullah Ocalan û alên PKK'ê û KCK'ê hebûn, bal kişand.

Piştî ku girse hat cihê şahiyê, Hevserokê Navenda BDP'a Colemêrgê Rahmî Kurd axivî û diyar kir ku piştî ku bi salan gelê kurd têkoşînê da, gelek destkevtiyan girte dest. Kurt bal kişand ser rewşa tenduristiya Rêberê Gelê Kurd  Abdullah Ocalan û da zanîn ku nêzîkatiya li hemberî Rêberê Gelê Kurd Abdullah Ocalan, nêzîkatiya li hemberî gel e û ev xeta wan a sor e.