Ev satalayt wê li bilindahiya 815 kîlometre ji ser rûyê erdê, wezîfeya xwe bike. Di sala 2017'an de jî wê satalayta bi navê Sentînel-3B were şandin.

Satalaytên Sentînel-3A û Sentînel-3B, wê daneyên li ser germahiya rûyê deryayê û agahiyên meteorolojîk berhev bikin. Bi rêya van satalaytan re wê rêgehên li derya û okyanûsan çêtir werin bikaranîn, şewatên li daristanan, rijandina petrolê li nava deryayê û rewşa li qadên çandiniyê baştir werin şopandin.

Ev satalayt wê wêneyên fezayî yên tevahiya cîhanê di nava 2 rojan de bikişîne. Lê belê piştî ku satalayta Sentînel-3B hat şandin, wê di nava rojekê de ev hemû wêne werin kişandin.

Satalaytên Sentînel-1 û Sentînel-2 ên beriya niha bi heman armancê hatibûn şandin, wêneyên ser rûyê erdê ancax di nava 6 rojan de dikarîbûn bikişînin.