Hikûmeta AKP'ê, piştî berxwedana Gezî bi bandora medya sosyal hesiya. Rayedarên hikûmetê bi Facebook'ê re hevdîtin kirin û biryar dan pê re hevkariyê bikin. Bi vî rengî, rûpelên Facebookê yên xwedî naverokên mûxalîf, hatin astengkirin. Bikaranîner jî Facebookê boykot dikin.

Hikûmeta AKP'ê di bin sîwanê xwe de komîsyona medya sosyal ava kir û tê texmînkirin ku di encama biryara vê komîsyonê de Wezareta Ragihandinê bi Facebookê re hevdîtin kiriye. Hat hînbûn, Twitterê peyman red kiriye, lê Facebookê qebûl kiriye ku bi hikûmeta Tirk re hevkariyê bike.

Di çarçoveya vê peyamê de, bi taybetî rûpelên bi naveroka ji xeta BDP'ê, yek bi yek tên girtin. Sedema girtinê jî gelek caran nayê ragihandin an jî gelek caran peyameke otomatîk a seranser bi navê "pîvan hatine binpêkirin", tê şandin.

RÛPELÊN HATINE QEDEXEKRIN

Hin rûpelên înternetê yên li ser facebookê weşanê dikin û hatine girtin, li gel şopandêrn xwe ev in:

"Ahmet Turk– 120 hezar

Altan Tan – 201 hezar

Rûpela BDP'ê – 181 hezar

Gotinê Kurdî - 20 hezar

Hasîp Kaplan - 49 hezar

Îdrîs Balûken 13 hezar

Kurdî Muzîk - 60 hezar

Nûçe Tv - 16 hezar

Ötekilerin Postası – hezar

Sebahat Tûncel - 15 hezar

Selma Irmak - 14 hezar."