Yekîtiya Hêzê ya Demokratîk (DGB) daxuyaniyeke nivîskî weşand û ragihand, ku di hilbijartinên eyaleta Baden Wurttembergê yên 13'ê Adarê de ew destekê didin Die Linke.

Di daxuyaniyê de hat gotin, "Weke saziyên demokratîk, pêşverû, welatparêz û şoreşger em di wê baweriyê de ne ku namzet Gokay Akbûlût wê bibe dengê me, lewma em destekê didin partiya Die Linke.

Xwedîderketina li daxwazên karker û kedkaran, hestyariay li pirsgirêkên Elewiyan û gelê Kurd, helwest û têkoşîna li hemberî tevgerên nîjadperest-faşîst û parastina mafên koçberan pîvanên me yên bingehîn e." Hat destnîşankirin, ku li gorî van pîvanan ew di şexsê namzet Gokay Akbûlût û Bernd Rîexînger de destekê didin partiya çep Die Linke.

Pêkhateyên Yekîtiya Hêzê ya Demokratîk dan zanîn, ku Gokay Akbûlût a ji partiya Die Linke namzeta wan a hevpar e û wiha dewam kirin: "Li Elmanyayê benda hilbijartinê ji sedî 5 e. Die Linke dema li eyaletê ji sedî 5 derbas kir, wê Gokay Akbûlût a di rêza yekemîn de cih digire, yekser bê hilbijartin û cihê xwe di Parlamenta Eyaletê de bigire. Lewma girîng e mirovên me yên bûne welatiyên Elman di 13'ê Adarê de biçin ser sindoqan û dengê xwe bidin Die Linke."