Piştî nerazîbûnên tund ên gelê Kurd li Bakûrê Kurdistanê û tevahiya cîhanê, ji bo Kobanê, dewleta Tirk Tirk bi veşartî birîndarên çeteyên DAIŞ’ê ji nexweşxaneya M. Akîf a li Rihayê vediguhezin cihên din.

Hevkariya DAIŞ’ê û dewlet Tirk ya ku nikare bê veşartin. Bi mehane çeteyên DAIŞ’ê li nexweşxaneyên Riha û Dîlokê tên dermankirin. Ji ber nerazîbûn û serhildanên gelê Kurd, dewleta Tirk lez û bez birîndarên çeteyan ji nexweşxaneyê  direvînin û vedişêrin.

Li gorî agahiyên ji çavkaniyên ji herêmê hatine wergirtin, piştî ku gel herîkin ser sînor û serhildanên Kurdan bi lez bilind bûn, çeteyên DAIŞ’ê yên ku li nexweşxaneya perwerdeyê û lêkolînê  Mehmet Akif İnan ya Rihayê dihatin dermankirin nîvê şevê bi awayek dizî ji nexweşxanê hatin revandin. Çeteyên ku hêrsan gel revandine kuderê heta niha nehatiye zanin.