Beşek ji buhayê dermanan ji Kobaniyên neçar man bên Pirsûsê tên wergirtin. SES’ê got ku divê tavilê SGK dest ji vê pêkanînê berde.

Desteya Rêveber a Navendî ya Sendîkaya Xizmetên Tenduristî û Civakî  (SES), der barê gelê ji Kobanê hatiye Pirsûsê raporek weşand.

Li gor vê tevayî pêdiviyên Kobaniyan ji aliyê Şaredariya Pirsûs a xwedî derfetên kêm ve tên bicihanîn. Li gor raporên şaredariyê,  li gundan 18 hezar li navenda 32 hezar bi giştî 50 hezar Kobanî li Pirsûsê ne. Ji wan tenê 5-7 hezar kes, li YÎBO û bajarê konan ê li jenderme hatine bicihkirin.

AŞÎKIRINA PÊWÎST NEHAT KIRIN

SES got ku ji bo temamkirina aşîkirina pitik û zarokan tu hewldanek çênebûye û di vê mijarê de agahî nedane malbatan.

SES’ê her wiha diyar kir ku Beşek ji buhayê dermanan ji Kobaniyan tê stendin û got ku divê tavilê SGK dest ji vê pêkanînê berde.

'SAZÎ YA DIKEVE SER MILÊN XWE PÊK NEANÎN’

Desteya Rêveber a Navendî ya SES’ê di rapora xwe de herî dawî ev nirxandin kir, "Wek encam dikare bê gotin ku serî de xizmetên tenduristiyê rêveberiya xwecihî tenê hatiye hiştin, wezaretan, AFAD û saziyên hwd. berpirsiyartiya dikeve ser milê xwe bi qasî tê xwestin cih neanîne.

Tevî van hemûyan û zêdebûna nifûsê jî hat dîtin ku şaredariyan bi derfetên xwe yên kêm hewldaneke zêde pêş xistine.