Çeteyên ku xwestin ji herêma Termik bi êrîşekê bikevin Kobanê rastî berxwedana tund a YPG’ê hatin. Di pevçûnê de wesayitek li gel çeteyên tê de hate rûxandin. Di pevçûnên derdora Miştenur û rojhilat de jî tangek hate derbkirin.

Li gorî agahiyên nûçeya ANHA’yê, çeteyên DAIŞ’ê di saetên nîvro de ji herêma Termik a li başûrê Kobanê xwestin bikevin bajar û êrîş pêk anîn. Lê hêzên YPG/YPJ’ê bersivek tund dan û pevçûn çêbûn. Di pevçûnan de wesayitek li gel çeteyên tê de hate rûxandin.

Her wiha li derdora girê Miştenûr, aliyê başûr û rojhilat jî pevçûnên dijwar ên sing bi sing didomin. Di van pevçûnan de jî bi dehan çete hatin kuştin û tangek hate derpkirin.