Cenazeyê şervanê YPG’ê Ferdî Bayhan (Rizgar Cîhan) ê di şer û pevçûnên dijî çeteyên DAIŞ ên Serêkaniyê de jiyana xwe ji dest da di Deriyê Sînor ê Şenyurt ê navçeya Qoser a Mêrdînê re radestî malbata wî hat kirin.

Cenazeyê şervanê YPG’ê Ferdî Bayhan (Rizgar Cîhan) ê li bajarê Serêkaniyê yê Rojava di 15’ê Cotmehê di şer û pevçûnên dijî çeteyên DAIŞ de jiyana xwe ji dest da, ji aliyê malbata wî û rêveberên MEYA-DER’ê ve di Deriyê Sînor ê Şenyurt ê li navçeya Qoserê ya Mêrdînê re teslîm girtin.

Di dema wergirtina cenaze de Parlamenterê HDP’ê yê Mêrdînê Gulser Yildirim, Dayikên Aştiyê û rêveberên DBP’ê yên navçe û bajarokên bajarê Mêrdîn û Amedê jî amade bûn. Piştî kar û barên fermî yên li deriyê sînor cenazeyê Bayhan teslîmî malbata wî hat kirin.

Cenazeyê ji aliyê malbatê ve hat girtin, pêşî ji bo kar û barên otopsiyê anîn Nexweşxaneya Dewletê ya Mêrdînê. Piştî xilasbûna karê otopsi cenazeyê Bayhan ji bo definkirinê wê bibin navçeya Licê ya Amedê.