Hebûna leşkerên Tirk a li Iraqê, li paytext Bexdayê hat şermezarkirin.

Li Bexdayê, bi hezaran kes danê nîvro ji bo şermezarkirina hebûna leşkerên Tirk ên li herêma Başîka ya Mûsilê, ber bi Meydana Tahrîr ve meşiyan.

Di xwepêşandanê de Serokwezîrê berê Nûrî Malîkî û Fermandarê Tûgayên Bedir Hadî Amîrî jî amade bûn.

Iraqiyan li dijî Tirkiyeyê dirûşme qîriyan û diyar kirin ku di serî de Tirkiye ew leşkerên ti welatekî biyanî li Iraqê naxwazin.