41 kesên di êrîşên 13'ê Mijdarê yên li paytexta Fransa Parîsê birîndar bûn, hînê tên dermankirin.

Li gorî daxuyaniya Wezîra Edaletê ya Fransayê Chrîstîane Taûbîra, 41 kesên di êrîşên 13'ê Mijdarê yên li paytexta Fransa Parîsê birîndar bûn, hînê tên dermankirin. Taûbîra da xuyakirin, ku 21 ji birîndaran li nexweşxaneyên leşkerî tên dermankirin.

Wezîra Tenduristiyê ya Fransayê Marîsol Toûraîne, li ser rêvebirina krîza piştî êrîşan, nexşerê aşkere kir. Di vê nexşerêyê de, mijarên; bersiva di cih de ya li êrîşan û bi lez û bez tespîtkirina nasnameyên qurbaniyan cih digirin.