Ji ber şerê navbera Pêşmergeyan û çekdarên Heşdî Şabî yên li ser sînor, çend top li nêzî Deriyê sînor ê El Welîd ê li nêzî guhdê Siwêdiyê yê Rojava ket. Tê gotin, ku xebatkarekî li ber derî jiyana xwe ji dest daye, 4 kes jî birîndar bûne.
Li gorî agahiyên ji herêmê hatin girtin, danê sibehê şer di navbera hêzên Pêşmerge ji aliyekî ve û artêşa Iraq û çekdarên Heşd Şabî ji aliyekî din, li ser sînorê herêma Dêrikê ya Rojava û Başûrê Kurdistanê de, rû da.
Hat ragihandin, ku 4 topên hawanê saet di 10'an de li derdora Deriyê El-Welîd ê nêzî gundê Siwêdiyê yê girêdayî herêma Koçeratan a herêma Dêrikê ya Rojavayê Kurdistanê ketine.
Di encama topbaranê de, xebatkarekî deriyê sînor jiyana xwe ji dest da û 4 kes ku di nava wan şervanên YPG, endamên Asayîşê û sivîl hene, birîndar bûn.
Birîndar niha li nexweşxaneyên Dêrikê têne dermankirin.
