Meclîsa Leşkerî ya Cerablûsê bal kişande li ser zext û direwên komên çete yên girêdayî Tirkiyeyê li Cerablûsê dikin, banga ‘parastina xaka xwe’ li gelê Cerablûsê kir.

Daxuyaniya ku ji aliyê Feramndarê Leşkerî yê Cerablûsê ku weke Kombûna Tugayên Firat-Cerablûs tê zanîn Îbrahîm Ehmed ve wiha ye;

“Ji bo hemû welatiyên me yên bi rumet ên ku cane xwe ji bo welat feda kirine. Çeteyên Mertala Firatê yên piştgiriya xwe ji Tirkiyê digirin û Cerablus û Bab dagirkirine, malên welatiyan û xaka wan ji wan standin û ew talan kirin.

Em şervanên QSD’ê zarokên şêniyên vê herêmê ne, em bang dikin ku şêniyên Cerabulsê yên bi rumet li dijî komên talankirin û şelandinê derkevin û serî hildin. Em ji şêniyên Cerablûsê dixwazin ku li dijî van kesên ku xak û zeviyên gel talan dikin derkevin. Kesên wiha dikin, çete û talankarin.

Em wekî şervanên QSD’ê em ê bi hemû tiştên xwe yên giran buha tekoşîn, em amadene ku cane xwe fedayî welatê xwe bikin û şêniyên herêmên xwe ji zilim û zordariyê xilas bikin.”

Li herêmên Şehbayê yên ji aliyê artêşa Tirk û çeteyên wê ve hatine dagirkirin gelek bûyerên talankirin û şelandina welatiyên sivîl ji aliyê çeteyên Mertala Firatê ve pêk hatine. Di heman demê de koçberkirina bi dare zorê û guhertina demokrafî li herêmê bi destê artêşa Tirk û çetyên wê zêde bûne.