Merasîma bîranînê ji aliyê Meclîsa Malbatên Şehîdan a Qamişloyê ve li Şehîdgeha Şehîd Delîl Sarûxan pêk hat. Di merasîmê de 44 şervanên azadiyê yên li Rojava û herêmên din ên Kurdistanê di meha Tebaxê de şehîd bûn hatin bîranîn.

Tevî Seroka Desteya Jinê Emîne Omer, Hevserokê Desteya Parastinê ya Kantona Cizîrê Rêzan Gulo û Serokê Meclîsa Rêveber Ebdulkerîm Sarûxan gelek welatî tevlî merasîmê bûn.

Endamê Rêveberiya Akademiyên Civaka Demokratîk Ferzende Mûnzûr li merasîmê axivî, sersaxî ji hemû malbatên şehîdan, gelê Kurdistanê xwest û şehîdên meha Gulanê bi bîr anî.

Piştî axaftinê, welatiya bi navê Wedha Wanikî helbesta xwe ya li ser şervanên YPG-YPJ û Şoreşa Rojava xwend.

Di dawiya merasîmê de wêneyên şehîdan radestî malbatan hatin kirin.