Di çarçoveya Pengava Bagera Cizîrê de, ku 49 roj in didome, şervanên QSD'ê duh bi şev berê xwe dan gundê El Namliyah ku bi 45 kîlometreyan li bakurê rojhilat ê Dêra Zorê ye.

Li gundê El Namliyahê di navbera şervanên QSD'ê û çeteyên DAIŞ'ê de şer derket û di encama vî şerê dijwar de gundê El Namliyah hate rizgarkirin.

Şervanan QSD piştî rizgarkirina gundê El Namliyah dest bi operasyona paqijkirina gund kirin û wesayiteke mayinkirî desteser kirin.

Duh bi şev li bakurê rojava yê gundê Agedatê jî di navbera şervanên QSD'ê û çeteyên DAIŞ'ê de şer derket. Li vê derê jî wesayiteke bombebarkirî ya DAIŞ'ê ji aliyê şervanan ve hate teqandin, wesayitekê jî xwe teqand.

Ji duh bi şev û vir ve di şer de herî kêm 9 çeteyên DAIŞ'ê hatin kuştin.

Li gorî agahiyan, di şer de 6 şervanên QSD'ê şehîd bûne.